ՀՀ դեսպան Վահագն Աֆյանը Հնդկաստանի ԱԳՆ Սուշմա Սվարաջի անվան դիվանագիտական ծառայությունում մասնակցել է պանելային քննարկման

19 սեպտեմբերի, 2025

ՀՀ դեսպան Վահագն Աֆյանը մասնակցել է Հնդկաստանի ԱԳՆ Սուշմա Սվարաջի անվան դիվանագիտական ծառայության (SSIFS) կողմից Գլոբալ Հարավի երիտասարդ դիվանագետների 3-րդ ֆորումի (GSYDF) շրջանակներում կազմակերպված «Նոր դարաշրջանի դիվանագիտություն» թեմայով պանելային քննարկմանը, որին ներկա են եղել Ասիայի, Աֆրիկայի, Լատինական Ամերիկայի, Կարիբյան ավազանի, Եվրասիայի և Օվկիանիայի 43 տարբեր երկրներից ժամանած մասնակիցներ:

Դեսպան Վ. Աֆյանը, իր խոսքում նշելով, որ Հայաստանն ակտիվ մասնակցություն է ցուցաբերել Հնդկաստանի նախաձեռնած «Գլոբալ Հարավի ձայնի» բոլոր երեք համաժողովներին, անդրադարձել է սեպտեմբերի 21-ին նշվող Խաղաղության միջազգային օրվան և ՀՀ Անկախության տարեդարձին՝ ընդգծելով, որ նորօրյա դիվանագիտության իրականացված ակտիվ ջանքերի շնորհիվ Հայաստանի և Ադրբեջանի միջև առկա է հաստատված խաղաղության իրողություն:

ՀՀ դեսպանը նաև, անդրադառնալով ս.թ. օգոստոսի 8–ի համաձայնություններին, նշել է Հայաստանի կառավարության մշակած «Խաղաղության խաչմերուկ» նախագծի և «Թրամփի ուղի՝ հանուն միջազգային խաղաղության և բարգավաճման» (TRIPP) հաղորդակցության ծրագրի, ինչպես նաև էներգետիկ անվտանգության և արհեստական բանականության ու կիսահաղորդիչների ոլորտներում ստորագրված երկկողմ փաստաթղթերի մասին:

Անդրադարձ է կատարվել Հայաստանի կողմից տարբեր երկրների, այդ թվում՝ Միացյալ Նահանգների և Վրաստանի հետ այս և նախորդ տարեսկզբին կնքված ռազմավարական գործընկերություններին ու այդ ուղղությամբ ընթացող շարունակական զարգացումներին՝ առանձնանշելով Հայաստանի ներգրավվածությամբ Իրանի և Հնդկաստանի հետ պարբերաբար անցկացվող եռակողմ խորհրդակցությունների ձևաչափի նշանակությունը:

ՀՀ դեսպանի կողմից ընդգծվել է նաև Հնդկաստանի և Ֆրանսիայի նախաձեռնած Միջազգային արևային դաշինքին (ISA) Հայաստանի անդամակցության, «Թումո» ստեղծարար տեխնոլոգիաների կենտրոնի Հնդկաստանում բացվելիք մասնաճյուղի և Հայաստանում իրականացվող «Ակադեմիական քաղաք» և «Ինժեներական քաղաք» նախագծերի մասին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր